Thủ tướng Cíñ phủ ồng Phạm Minh Chính jờng rơ Ƀộ trưởng Ngoại giao lơgar Indonesia mò Retno Marsudi còp lơgar Việt Nam mờ đơng lam bal pơrjum dơ̆ 5 Ủy ƀan Lơh broă bal đah 2 gah Việt Nam mờ Inđonesia; jờng rơ uă ngan bơta tă pơgồp kwơ màng bơh Ƀộ trưởng dê ai cồng nha bơh dơ̆ pơrjum cribơyai rài tơnơ̆ do Asean dê, pơgồp bơnah lơh gơs ngan ngồn broă lơh rơndăp Asean tus nam 2045 bè bơt bơtàu mpồl bơtiàn Asean lơh is pràn is, kơ̆ kơl jăp mờ lơh jat niam gơnoar broă tờm tàm ală broă tàm tiah do dê.

Thủ tướng Cíñ phủ ồng Phạm Minh Chính mờ Ƀộ trưởng lơgar Indonesia mò Retno Marsudi ring bal pơn jat tai lơh pràn lơh broă bal nàng gờñ ai bơta gĭt gơ̆p lơh broă bal kwơ màng 2 lơgar gơguh tus gơnoar broă pa; lam lơh geh cồng nha ală gùng dà broă lơh lơh broă bal đah 2 gah, ală jơnau ring bal kwang bàng kấp dờng, ală sră nggal neh kĭ; bơyai lơh ală broă lơh geh kwơ nàng tơngkah kir sơnrai 70 nam lơh geh bơta gĭt gơ̆p cribơyai broă mờ lơgar ndai tàm nam 2025.