VOV4.K’ho- Mho ngai 06/07, tàm Hìu lơh broă Cín phủ, Thủ tướng Cíñ phủ ồng Phạm Minh Chính neh geh dơ̆ wă Ƀộ trưởng Ngoại giao lơgar Nga ồng Sergey Lavrov. Tàm dơ̆ wă, Thủ tướng Cíñ phủ ồng Phạm Minh Chính jờng rơ uă cồng nha lơh broă bal niam ngan 2 gah neh lơh geh tàm tơngai pa do.

Thủ tướng ồng Phạm Minh Chính đơs sùm, Cíñ phủ Việt Nam sùm sền dờng màng gĭt gơ̆p lơh broă bal jŏ jòng tơl làm mờ lơgar Nga, kơ̆p kờñ lơh jrô ơnàng mờ mut lơh broă geh cồng nha rlau tai lơh broă bal đah 2 gah tàm jơh gùt ală gah mờ nùs nhơm lơh broă ngan ngồn, jơh nùs mờ pin dờn. Bàr gah ring bal sơlơ lam lơh ală jơnau ring bal kấp kwang bàng dờng lơh geh tàm dơ̆ lòt còp bơh Kwang đơng lam bồ 2 lơgar dê; đơs ngan gàr niam bơta lơh broă bal tàm ală gah ờs mờng mờ geh bơta pràn bơh 2 gah dê.

Cau mblàng K’Hạnh