Tàm dơ̆ wă, Thủ tướng Cíñ phủ ồng Phạm Minh Chính đơs nền lơgar Việt Nam pơn jat tai kơ̆ dơn nùs nhơm gùng dà lơh broă mờ lơgar ndai lơngăp lơngai is, rcang is, ring lơngai, lơh bơyô bal, lơh broă bal mờ bơtàu tơnguh, lơh uă bơta gĭt gơ̆p, lơh bơyô mờ uă lơgar, rcang lài mờ jơh nùs mut gơ rờm bal mờ mpồl dunia tơl làm, jrô ơnàng làm uă, geh ngan, geh cồng nha; là bơyô, là cau tam klăc lơh broă bal pin dờn mờ là lơgar tàm mpồl jơh nùs ngan, geh kơnòl bơh mpồl bơtiàn dunia dê; mơkung lơh jăt broă lơh sền gàr dà lơgar “4 ờ”.

Bàr nă kwang đơng lam bồ neh cribơyai bè ală broă lơh nàng pơgồp bơnah sơlơ tơnguh rlau tai bơta gĭt gơ̆p lơh bơyô bal lơh broă bal niam bơnĕ đah 2 lơgar tàm ală gah, sơlơ tơnguh tai tìp mat lơh kuèng làng bol, gàr sùm mờ tơnguh gơnoar broă lơh broă bal đah 2 Đảng, tàm hơ̆ geh lơh broă bal tàm ală dơ̆ cribơyai bơh ală đảng cíñ trị kwơ màng bè dơ̆ cribơyai Sao Paulo.