Thủ tướng Cíñ phủ ồng Phạm Minh Chính wă Củ tịc mpồl tam klăc nghị sĩ git gơ̆p lơh bơyô bal đah lơgar Nhờk mờ lơgar Việt Nam
Thứ bảy, 09:40, 06/05/2023
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Mho òr (05/05), tàm hìu lơh broă Cíñ phủ, Thủ tướng Cíñ phủ ồng Phạm Minh Chính neh wă ồng Nikai Toshihiro, Củ tịc Mpồl tam klăc nghị sĩ git gơ̆p lơh bơyô bal đah lơgar Nhờk mờ lơgar Việt Nam bal mờ ală kwang bàng tàm Mpồl đơng lam.
Tàm dơ̆ tìp, Thủ tướng Chính phủ neh yal tus mờ mpồl bè cồng nha bơh lơgar Việt Nam dê tàm broă tam gơl pa, tơnguh bơtàu lơh sa mpồl bơtiàn; đơs tờm lơgar Việt Nam lơh ngan bơ̆t bơtàu lơh sa krơi is, lơh tờm lòt bal mờ bơta niam, rơcang tơrgùm dunia jrô ơnàng.
Lơgar Việt Nam ai lài tơrgùm lơh jăt 03 tơngu me pràn jŏ jòng bè lơh niam wơl sră nggal, bơ̆t bơtàu phan bơna jŏ jòng, bơto cau lơh broă; hòi jà ồng Nikai Toshihiro sồr Cíñ phủ lơgar Nhờk pơn jăt tai ai priă ODA rài pa lơgar Việt Nam in tàm ală gah broă bơ̆t bơtàu tờm phan bơna jŏ jòng; kơ̆p kờñ ală cau bơcri priă lơgar Nhờk lơh pràn broă bơcri priă tàm lơgar Việt Nam tàm nùs nhơm bàr gah geh kwơ bal, tam pà bal rềs àr, bơta kwơ ndrờm bal.
Viết bình luận