Tàm dơ̆ wă, Thủ tướng Phạm Minh Chính đơs nền, Việt Nam sùm sền dờng màng bơta git gơp lơh broă bal tơl làm mờ Mỹ, đơs niam ală bơta bơtàu tơnguh pràn kơldang tàm git gơp lơh sa- kă bro- bơcri priă đah 2 lơgar. Thủ tướng đơs tai, Việt Nam git nền broă sền gàr pràn kơldang să jan, sền gàr màng kis làng bol dê sùm là kơnòl broă dờng màng ngan; sồr Abbott sơlơ tơnguh bơcri priă, lơh broă bal tàm ală gah broă mờ Việt Nam gam sền gròi ngan bè: tơnguh pràn kơldang să jan bơh cau Việt Nam dê, tàm hơ̆ geh phan sa tơl pràn; bơtàu tơnguh gah lơh sa mờ măi mok lơh sơnơm tơmba, kông nghệ siñ họk…

Củ tịc Tập đoàn Abbott nting bơr gờm chờ lơgar Việt Nam neh lam lài tàm gah phan sa tơl pràn, mờ ală mờng chài kuơmàng mờ uă lơgar ndai gơtùi bơsram, đòm jat. Abbott hơ pơrgon bơcri priă, kă bro jŏ jòng tàm lơgar Việt Nam mờ rơp lơh broă bal jơh nùs mờ Thủ tướng neh ai jơnau đơs.