Thủ tướng ai lơh chờ hờp ngan tềng đap bơta bơtàu tơnguh pràn kơldang, tơl làm mờ ngan ngồn bơh bơta git gơp đah Việt Nam mờ Australia; đơs nền broă tơnguh bơta git gơp gơ gơs lơgar lơh broă bal jŏ jòng tơl làm là cồng nha bơh broă pơn đơl pràn, lơh ngan bơh jơh bal 2 gah dê tàm sùm rlau 50 nam bơtàu tơnguh bơta git gơp cribơyai broă mờ lơgar ndai.

Thủ tướng Cíñ phủ ồng Phạm Minh Chính ưn ngài lơgar Australia gam lam lơh uă rơndap broă lơh lơh broă bal ngan ngồn, geh cồng nha, dong kờl ai Việt Nam in tàm uă broă bơh sền gàr dà lơgar – sền gàr lơngăp lơngai, bơto bơtê tơnguh pràn jak, jak chài măi mok, tam gơl pa bơceh lơh mờ tam gơl nhơm trồ tiah; sồr 2 gah jơh nùs pơgồp bal lơh jat ngan ngồn ală jơnau ring bal kâp dờng neh lơh geh, pơn jat tai ai lơh broă bal bơtàu tơnguh tàm jơh ală bơta dipal mờ bơta git gơp lơh broă bal jŏ jòng tơl làm. Bàr nă kwang đơng lam bồ ring bal pơn jat tai sồr lơh tìp mat tơm boh bơr, tam pà jơnau tơnggit, sơlơ tơnguh tai git wă mờ pin dờn bal mờ gơp, lơh niam rlau tai lơh broă bal sền gàr dà lơgar mờ lơngap lơngai, sơlơ tơnguh lơh broă bal lơh sa geh cồng nha rlau.