Tàm dơ̆ wă, Thủ tướng Cíñ phủ ồng Phạm Minh Chính đơs nền bơta gĭt gơ̆p nùs nhơm kwơ màng Việt Nam mờ Campuchia là ờ gơtùi tàm cah is ờ, tàm hơ̆ geh ală bơta tam pà bal, bơta phi să ờ gơtùi was kờp ờ. Kơnòl broă bơh tơl lơgar dê là pơn jat tai bơt bơtàu bơhiàn niam bơnĕ do nàng bal mờ gơ̆p bơtàu tơnguh, dong bal mờ gơ̆p bơt bơtàu rài lơh is, rcang is, jat tàm nùs nhơm jơh nùs, pin dờn, geh cồng nha.

Ngan là, pal sơlơ tơnguh lơh broă bal bơto bơtê mpồl cau lơh broă; bơto bơtê bơhiàn tam klăc bal, kah yau, niam chài bơh tơl lơgar dê ai ală rơnàng kơnòm să in. Thủ tướng sồr tàm gơnoar broă pa, ồng Đại sứ pơn jat tai tă pơgồp uă ngan tàm broă sền gàr, bơt bơtàu bơhiàn tam klăc bal, gĭt gơ̆p lơh bơyô, lơh broă bal mờ dong kờl bal mờ gơ̆p đah 2 lơgar dê.