Tàm dơ̆ wă, Thủ tướng Cíñ phủ ồng Phạm Minh Chính gờm chờ Đại sứ lơgar Lào neh lơh sir jak ngan tơngai lơh broă tàm lơgar Việt Nam mờ pa do chờ hờp ngan geh Đảng, Dà lơgar Việt Nam jàu pà Gai lòng lơh broă khà dùl tài bơh neh geh ală tă pơgồp kwơ màng tàm broă bơt bơtàu mờ bơtàu tơnguh bơta gĭt gơ̆p lơh bơyô bal dờng màng, tam klăc bal kwơ màng mờ lơh broă bal tơl làm đah Việt Nam mờ Lào.

Đại sứ lơgar Lào đơs nền, mờ nùs nhơm rềp mềr, đềt mềr mờ dà lơgar mờ làng bol lơgar Việt Nam mờ tài bơta kwơ bal bơh 2 lơgar, 2 jơi bơtiàn, Đại sứ lơgar Lào rơ̆p pơn jat tai bơt bơtàu ai bơta gĭt gơ̆p “geh dùl ờ geh bàr do” đah Việt Nam mờ Lào sùm sùm niam bơnĕ, sùm sùm kơ̆ kơl jăp.