VOV4.K’ho - Mho òr (20/01), Thủ tướng Cíñ phủ ồng Phạm Minh Chính neh wă ồng Choi Joo Ho, Kwang atbồ dờng Mpồl lơh Samsung Việt Nam. Tàm dơ̆ wă, Thủ tướng ồng Phạm Minh Chính đơs, broă lơh bal jŏ jòng lơgar Việt Nam mờ lơgar Hàn Quốc gam pơn jăt tai tơnguh bơtàu niam bơnĕ mờ broă lơh bal, bơcri priă bơh Samsung là dùl bơta tơngŏ mùl màl.

Thủ tướng đơs niam cồng nha lơh sa, kă bro geh cồng nha bơh Tập đoàn tàm lơgar Việt Nam tàm bơta kal ke pa do tài bơh kòp gơtờp, tàm hơ̆ priă geh kờp jơh tàm nam 2021 bơh ală broă lơh sa kă bro mờ tăc phan mờ lơgar bơdìh gơguh 14% pơn drờm mờ tŭ do nam 2020, geh rơlao 74 tơmàn dolar Mỹ. Thủ tướng kung đơs niam broă Samsung sền lơgar Việt Nam là tiah tus gùt plai ù mờ broă bơcri priă jŏ jòng nền nòn.

Cau mblàng Ndong Brawl