VOV4.K’ho- Drim ngai 15/05, jat jiơ tiah do dê, tàm ƀòn dờng New York, lơgar Mỹ, Thủ tướng Cíñ phủ ồng Phạm Minh Chính wă ồng Charles Kaye, Kwang atbồ dờng Tập đoàn Warburg Pincus - là dùl tàm ală kes priă bơcri làng bol dê lơh is jŏ rài ngan rlau jơh mờ dờng ngan rlau jơh tàm gùt plai ù dê.

Thủ tướng Cíñ phủ ồng Phạm Minh Chính wă Kwang atbồ dờng Tập đoàn Warburg Pincus

Tàm dơ̆ wă, Kwang đơng lam bồ Tập đoàn đơs sùm bè jơh ală bơta, tiah lơh sa kă bro mờ lơh sa dờng ngai sơlơ kơ̆ kơljap bơh Việt Nam dê ƀuơn ngan ai ală cau bơcri priă bơh lơgar ndai in. Thủ tướng Cíñ phủ sồr Tập đoàn kơlôi sơnơng pơn jat tai pờ ơnang bơcri priă tàm Việt Nam bal mờ mpồl năc uă ngan tàm dunia dê geh là rbàng tàm tơrbŏ bal nàng ai ală cau bơcri priă lơgar Mỹ in đơs is mờ cau bơcri priă lơgar ndai in đơs bal tus bơcri priă tàm lơgar Việt Nam. Thủ tướng sồr 2 gah lơh jat niam bơta mờng chài lơh broă bal tàm uă nam do, lam lơh jat ală broă lơh lơh broă bal jat gùng dà broă lơh ƀalhiă sră nggal, gơ lòt mut tàm broă lơh ngan ngồn, lơh geh cồng nha uă rlau mờ lơh gơ rề rlau tai.

Cau mblàng K’Hạnh