Tàm dơ̆ wă, Thủ tướng Cíñ phủ ồng Phạm Minh Chính jờng rơ ngan ală cồng nha lơh geh bơh Kông ty Làng bol lơh is Bồ măy mờ Cơldŭ rơndeh ồs Đại Liên dê mờ đơs là, jăt tàm bơta gĭt gơ̆p cíñ trị niam bơnĕ ngan, Việt Nam mờ Lo pal lơh pràn rlau tai, tàm tơrbŏ bal bàr rài lơh sa, tàm hơ̆ geh broă gùng rơndeh ồs- do kung là broă mờ Việt Nam geh jơnau kờñ kwơmàng mờ jal mhar tàm tơngai tŭ do. Tàm hơ̆, 2 gah neh dồ nùs bal tàm tơrbŏ bal gùng rơndeh ồs tơl jơnau sồr lòt gan tiah nhàr lơgar, ală gơl gùng rơndeh ồs dờng tơl jơnau sồr Lào Cai- Hà Nội- Hải Phòng, Đồng Đăng- Hà Nội, Móng Cái- Hạ Long- Hải Phòng, do là ală gùng lòt kwơmàng nàng sơlơ tơngguh tai lơh broă bal lơh sa, kă bro phan đah 2 gah.