Thủ tướng Cíñ phủ ồng Phạm Minh Chính wă Mpồl Kwang bàng Cíñ trị vùng Vịñ San Francisco, ƀang California, lơgar Mỹ
Thứ tư, 10:38, 20/09/2023
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Tàm San Francisco, Thủ tướng Cíñ phủ ồng Phạm Minh Chính wă Mpồl kwang bàng cíñ trị ală ƀòn dờng vùng Vịñ San Francisco, ƀang California bơh mò Sheng Thao, Kwang atbồ ƀòn dờng Oakland lam bồ di dơ̆ Thủ tướng tus lơgar Mỹ lòt pơrjum cribơyai bal kwang bàng kấp dờng Pơrjum dờng Liên hợp quốk dơ̆ 78.
Tàm dơ̆ wă, Thủ tướng Cíñ phủ ồng Phạm Minh Chính tơngŏ bơta chờ hờp tềng đap ală bơta bơtàu tơnguh geh ngan, ngan ngồn tàm lơh broă bal đah lơgar Việt Nam mờ Mỹ đơs bal mờ ală tiah vùng Vịñ San Francisco đơs is.
Thủ tướng đơs sùm lơgar Việt Nam sùm wă rò mờ lời ai ală nùs nhơm hìu bơnhă ai ală cau ơm ngài ƀòn rê wơl tàm ƀòn lơgar tờm in. Do là bơta mpờl gŏ niam bơnĕ ngan bơh bơta niam chài jơi bơtiàn Việt Nam dê. Thủ tướng đơs nền broă sơlơ tơnguh lơh broă bal, tam pà bal bơta kwơ, bal mờ gơ̆p bơt bơtàu mờ bơtàu tơnguh dà lơgar là broă lơh geh cồng nha, geh ngan nàng lam lơh tơngume gĭt gơ̆p Lơh broă bal jŏ jòng tơl làm đah Việt Nam mờ Mỹ mờ pơgồp bơnah kwơ màng nàng 2 lơgar in bơsong jơnau gơ lời wơl bơh rài tam lơh dê.
Viết bình luận