Tàm dơ̆ wă, Thủ tướng Cíñ phủ ồng Phạm Minh Chính đơs niam bơta git gơp niam bơnĕ đah Việt Nam mờ ƀang California đơs bal mờ ƀòn dờng Oakland đơs is, kuơmàng là bè lơh sa kă bro mờ lơh broă bal anih ơhò ơm tàm dà lềng; đơs nền ƀang California là dùl tàm ală tiah lơh broă bal khà dùl bơh Việt Nam dê mờ mờr 100 mpồl lơh sa kă bro bơh ƀang dê neh bơcri priă tàm lơgar Việt Nam, mpồl lơh sa kă bro Việt Nam kung neh geh rlau 70 rơndap broă lơh bơcri priă tàm California.

Thủ tướng Cíñ phủ ồng Phạm Minh Chính sồr Kwang atbồ ƀòn dờng Oakland mờ ală kwang bàng ƀang California pơn jat tai sền gròi bơtàu tơnguh bơta git gơp mờ lơgar Việt Nam, kuơmàng bè lơh sa, kă bro, bơcri priă mờ tìp mat lơh kwèng làng bol, geh gơnoar broă là rbàng tơrbŏ đah Mỹ mờ Việt Nam đơs bal kung bè đah ală mpồl lơh sa kă bro 2 lơgar đơs is, pơgồp bơnah sơlơ tơnguh mờ lơh kơ̆ kơljap rlau tai bơta git gơp đah Việt Nam mờ Mỹ.