VOV4.K’ho- Ngai 18/08, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính neh wă Phó Thủ tướng, Ƀộ trưởng Ngoại giao lơgar Kazakhstan ồng Mukhtar Tileuberdi di dơ̆ lòt còp ngan ngồn Việt Nam bơh ngai 17 tus ngai 18/08.

Thủ tướng Cíñ phủ ồng Phạm Minh Chính wă Phó Thủ tướng, Ƀộ trưởng Ngoại giao Kazakhstan

Thủ tướng Cíñ phủ ồng Phạm Minh Chính đơs ngan Việt Nam sùm sền dờng màng bơta gĭt gơ̆p lơh bơyô bal bơh yau mờ lơh broă bal uă gah mờ lơgar Kazakhstan. Nàng sơlơ tơnguh pràn rlau tai lơh broă bal đah 2 lơgar tàm tơngai tus, Thủ tướng Cíñ phủ ồng Phạm Minh Chính sồr 2 gah lơh jat niam gơnoar broă bơh Ủy ƀan 2 Cíñ phủ Việt Nam mờ Kazakhstan bè lơh broă bal lơh sa- kă bro mờ khoa học –Kỹ thuật, cribơyai kĭ Hiệp địñ ờ duh pal geh sră lòt rê hờ lơgar ndai ai làng bol 2 lơgar in kung bè lơh ngan pơgồp bal gờñ lơh gơl gùng rơndeh ồs mờ gùng rơndeh par tơn đah Việt Nam mờ Kazakhstan. 2 gah kung neh cribơyai bè ală broă dunia mờ tàm tiah do gam sền gròi, tàm hơ̆ geh broă Dà lềng tiah đah mat tơngai lik.

Cau mblàng K’Hạnh