Thủ tướng Cíñ phủ ồng Phạm Minh Chính jờng rơ mò Penny Wong dơ̆ bàr lòt còp lơgar Việt Nam tàm gơnoar broă Ƀộ trưởng Ƀộ Ngoại giao lơgar Australia; tơlik nùs nhơm pin dờn, pơn jăt tai ală dơ̆ lòt còp geh cồng nha pa do bơh Kwang bàng đơng lam bồ lơgar Australia dê, dơ̆ lòt còp dơ̆ do bơh mò Ƀộ trưởng dê rơ̆p pơgồp bơnah kwơmàng tàm broă gàr sùm, chồl tơnguh gĭt gơ̆p Tam klăc lơh broă bal Jŏ jòng đah lơgar Việt Nam mờ Australia gam bơtàu tơnguh pràn kơldang tàm nam 2 lơgar tơngkah kir sơnrai 50 nam ngai lơh bơta gĭt gơ̆p cribơyai broă mờ lơgar ndai (nam 1973 mờ nam 2023).

Thủ tướng Cíñ phủ ồng Phạm Minh Chính đơs sùm, bàr lơgar pal sơlơh tơnguh tai lơh broă bal bè bơto bơtê, lơh broă, tìp măt lơh kwèng niam chài, làng bol, hòi jà mpồl lơh sa kă bro sơlơ bơcri priă uă rlau tai tàm ală gah broă mờ 2 gah geh bơta pràn; mơkung lơh pràn lơh broă bal tàm ală gah broă pa bè rơcăng lài tam dră wơl mờ tam gơl trồ tiah, tam gơl năng lượng, gơguh tơlir, lơh sa sồ, tam gơl sồ...