VOV4.K’ho- Drim ngai 17/03, Thủ tướng Cíñ phủ ồng Phạm Minh Chính neh wă rò Ƀộ trưởng Ƀộ Ngoại giao lơgar Saudi Arabia ồng Faisal Bin Farhan, cau rềp jơi nòi bal mờ bơtau lơgar do dê tus còp să. Đơs tàm dơ̆ wă rò, Thủ tướng Cíñ phủ sồr bàr lơgar sơlơ tơnguh ală broă lơh ai ală mpồl kwang bàng lòt còp bal mờ gơp mờ tìp măt đah Kwang đơng lam bồ bàr lơgar; sơlơ lơh broă bal đah bàr Ƀộ Ngoại giao mờ tìp măt lơh kwèng bal đah làng bol, lơh kwèng bal bơta niam chài đah 2 lơgar.

Thủ tướng sồr đah lơgar Saudi Arabia gờñ sơrbì jơh tĕ kơrnoăt kơryan blơi phan mờ lơgar ndai gơwèt mờ phan tàm dà bơh lơgar Việt Nam dê, sơlơ blơi ală bơta phan lơh geh bơh sươn sre bơh Việt Nam dê, pờ ơnàng drà kă bro gơwèt mờ ală phan bơna kă bro bơh gơ̆p dê, tam pà bal bơta mờng chài dong kờl Việt Nam tus bal tàm drà kă bro phan bơna mờ drơng broă jăt tơl jơnau sồr Yàng Isslam Halal dê, lơh gơlik bơta ƀươn ai ală mpồl lơh sa kă bro lơgar Việt Nam in tàm broă tus bal lơh ală rơndăp broă lơh tăc bro drơng broă nhơm chu tàm lơgar Saudi Arabia mờ geh tŭ niam tàm yal tơngĭt bal jơnau, tam pà bal bơta mờng chài mờ ală cau lơh broă bal lơgar Saudi Arabia tàm ală gah broă lơh tơn jơh dà hang, năng lượng mờ lơh sa mờ măy mok...

Cau mblàng Lơ Mu K’Yến