Tàm dơ̆ wă rò, Thủ tướng ồng Phạm Minh Chính jơh nùs ưn ngài bơta wă rò jơh nùs, nền nòn, yŭ rơyùm mờ ram mhŭ mờ Mpồl Nghị sĩ lơh bơyô bal đơs is, Cíñ phủ mờ làng bol Australia đơs bal neh lời ai Mpồl kwang bàng Cíñ phủ Việt Nam in. 

Thủ tướng jờng rơ bơta git gơp lơh broă bal đah Quôk hội Việt Nam mờ Nghị viện Australia, kung bè Mpồl Nghị sĩ lơh bơyô bal 2 lơgar pơn jat tai sơlơ geh tơnguh, mờ ală broă lơh tìp mat lơh kwèng, bơsram, dong kờl, tam pà bal mờ gơp, ngan là sơlơ tơnguh tai tìp mat lơh kwèng Nghị sĩ kơnòm să, ùr nghị sĩ… Thủ tướng Cíñ phủ sồr Nghị viện 2 lơgar pơn jat tai lơh jat ngan ngồn ală jơnau ring bal mờ 2 gah neh kĭ; tò dong mờ jat sền broă lơh jat ală jơnau hơ pơrgon đah Cíñ phủ 2 lơgar, lam lơh ngan ngồn bơta git gơp lơh broă bal jŏ jòng tơl làm đah Việt Nam mờ Australia dồ bă ngan ngồn, geh cồng nha.