Thủ tướng jờng rơ ngan ƀang Nebraska neh sền gròi tus sơlơ tơnguh tai lơh broă bal mờ lơgar Việt Nam. Nàng lơh jrô ơnàng rlau tai gĭt gơ̆p đah lơgar Việt Nam mờ ƀang Nebraska, Thủ tướng sồr kwang đơng lam bồ mờ ală anih lơh broă bơh ƀang Nebraska dê sơlơ tàm pơgơl mpồl kwang bàng lòt còp bal mờ gơ̆p mờ ală tiah bơh lơgar Việt Nam dê mờ lơh niam rlau tai gơnoar broă là mpồl cau lơh kòn gùng đah lơgar Việt Nam mờ Mỹ.

Thủ tướng sồr, tơngai tus, ƀang pơn jăt tai tàm yal tơngĭt bal mờng chài bơtàu tơnguh mờ lơgar Việt Nam, bàr gah sơlơ lơh broă bal lơh sa, kă bro, bơcri priă, ngan là tăc blơi ală bơta phan lơh geh bơh sươn sre geh bơta pràn; lơh pràn lơh broă bal tàm ală gah broă ndai mờ 2 gah geh tơl pràn, bè bơto bơtê, jak chài măy mok, tam gơl pa bơceh lơh, măy mok pa, priă jền ngân hàng, rơcăng lài mờ tam gơl trồ tiah. Bàr gah ring bal gam uă bơta tơl pràn lơh broă bal mờ pal pơn jăt tai sơlơ tơnguh gĭt gơ̆p đah ƀang Nebraska mờ lơgar Việt Nam đơs bal mờ bal mờ ală tiah bơh lơgar Việt Nam dê đơs is.