Tàm dơ̆ wă rò, Thủ tướng pin dờn mờ kơ̆p kờñ, jăt tàm bơta gĭt gơ̆p niam bơnĕ đah bàr lơgar, ală cồng nha lơh broă bal neh lơh geh mờ bơta pin dờn, song dơ pă jơh nùs, Samsung rơ̆p pơn jăt tai là dùl tàm ală mpồl lam lài dong kờl lơh broă bal lơh sa đah bàr lơgar bal mờ uă tai rơndăp broă lơh pa gơcèng bơta kŏ jòng, pơn jăt tai gàr niam cồng nha lơh broă kă bro mờ rề ơnàng broă lơh bơcri priă, wèt tus ală jơnau kờñ pa jơnhoa rlau tàm nam 2023 do mờ ală nam pơn jăt tai. Thủ tướng đơs nền, Cíñ phủ lơgar Việt Nam hơ rơ̆p pơn jăt tai lòt bal, iăt kơno, tìp măt tơm bơh bơr, di tŭ tă bơsong ală kal ke, kòl yan, geh ală broă lơh dipal mờ broă gơlik geh, ai tơl bơta ƀươn ai ală cau bơcri priă lơgar ndai in, tàm hơ̆ geh Samsung bơcri priă kă bro geh cồng nha mờ bơtàu tơnguh jŏ jòng tàm Việt Nam bal mờ jơnau đơs “bơta kwơ bơnĕ bơnài bal, rềs àr gơ aniai tam kong bal”.