Tàm dơ̆ wă rò, 2 gah gam jơh nùs lam lơh jăt niam ală jơnau ring bal bơh kwang đơng lam bồ kâp dờng dê, broă rơndăp lơh lơh broă bal đah bàr Cíñ phủ nam 2024, ală jơnau yal bơr bal, cồng nha ală dơ̆ lòt còp, lơh broă đah kwang đơng lam bồ kâp dờng 2 lơgar dê, tàm hơ̆ gàr sùm tàm pơgơl mpồl kwang bàng ală kâp lòt còp bal mờ gơ̆p.

Thủ tướng Cíñ phủ ồng Phạm Minh Chính sồr tơngai tus, Anih lơh broă Sền swì Đảng, Lùp sền Dà lơgar bơh 2 lơgar dê kờñ pal pơgồp bal lơh broă rơndăp lơh lam lơh jăt geh cồng nha ală jơnau ring bal kâp dờng, ală mpồl lơh broă bal neh geh, cồng nha pơrjum dơ̆ 46 Ủy ƀan bàr Cíñ phủ Việt Nam mờ Lào, tàm hơ̆ chồl tơngguh bơtàu tơnguh lơh broă bal lơh sa mpồng nhàr lơgar, chồl tơngguh ală rơndăp broă lơh tàm tơrbŏ bal gùng lòt, tàm tơrbŏ bal kă bro phan, tàm tơrbŏ bal ală rài lơh sa bè anih ơhò ơm Vũng Áng, gùng ù gờl rơndeh lòt mhar Hà Nội- Vientiane, gùng rơndeh ồs Vientiane- Vũng Áng.