Bal mờ tơngume “Tam gơl ală kòi phe phan sa niam sàng goh, kơ̆ kơl jăp jŏ jòng, gơdờp mờ tam gơl trồ tiah mờ geh sùm tàm tŭ tơngai kal ke pa”.

Tàm dơ̆ wă rò, ồng Phạm Minh Chính sồr ală lơgar gam bơtàu tơnguh sơlơ tơnguh cồng nha lơh broă bal đah Việt Nam mờ ală lơgar tàm tiah đah jum lồi plai ù bè lơh broă sa sươn sre, tàm hơ̆ lơgar Việt Nam tŭ lơi kung kờñ tam pà bal bơta mờng chài mờ lơh broă bal mờ ală lơgar tàm bơtàu tơnguh lơh broă sa sươn sre, ƀòn lơgar, tơn jơh jơgloh tơrmù rƀah, hơ pơrgon gàr tơl kòi phe bơh ală broă lơh lơh broă bal đah Việt Nam mờ ală lơgar tàm tiah đah jum lồi plai ù bè lơh broă sa sươn sre, lơh broă bal pe gah bal mờ bơta dong kờl, lòt bal bơh ală lơgar lơh broă bal dunia 2 gah mờ uă gah dê. Nàng lơh jăt geh cồng nha tam gơl ală kòi phe phan sa mờ sơlơ tơnguh tai lơh broă bal dunia tàm gah lơh broă sa sươn sre, ƀòn lơgar tàm tơngai tus, Thủ tướng sồr ală gah geh gơrềng pal tơnguh uă bơta gĭt wă bè broă lơh, gơnoar broă bơh gah lơh broă sa sươn sre dê, lơh adat boh lam, gơhòi gơ jà priă jền, kơlôi sơnơng mờ ngui măy mok.