Yal mờ Củ tịc Asean BAC ală lơgar in bè broă hoàc hươr tài bơh mìu càl rbŭt dờng sồ 3 mờ mìu dà tih, ngơr bam jrô dà lơh aniai tàm ală ngai do tàm ală càr tiah đah Tô dà lơgar Việt Nam dê, Thủ tướng Cíñ phủ ồng Phạm Minh Chính jơh nùs ưn ngài Củ tịc Asean BAC ală lơgar neh tam pà bal mờ tă pơgồp bal mờ Việt Nam bơsong jơnau gơlời wơl. 

Thủ tướng Cíñ phủ nting bơr gờm chờ cồng nha lơh geh bơh dơ̆ pơrjum Asean BAC dơ̆ 101 dê pa geh lơh tàm Hà Nội mờ ală jơnau sồr, jơnau dan tàm jơnau yal bè broă lơh bơh Asean BAC dê tàm nam 2024; gơn kơnờm ală broă tờm ai lài mờ Mpồl duh broă gam lam lơh rơ̆p pơgồp bơnah chồl tơngguh pràn kơldang ală broă lơh tam gơl pa, lơh sir niam adăt boh lam, broă dong kờl, lơh ƀươn ƀoài kă bro mờ bơcri priă, tam gơl sồ, bơtàu tơngguh kơ̆ kơl jăp mờ glòm jơh bơh Asean dê, ngan là ală gơn kơnờm gơguh tai pa…Bơh hơ̆, dong mpồl lơh sa kă bro bơsong mờ ngui niam geh jơh ală tŭ niam nàng bơtàu tơngguh.