Thủ tướng đơs nền tai broă lơh ờ tŭ lơi tam gơl bơh lơgar Việt Nam dê tàm broă bơt bơtàu mờ bơtàu tơnguh bơta gĭt gơ̆p oh mi is ồn, tàm klăc bal jơh nùs, lơh bơyô bal bơh yau mờ lơh broă bal tơl làm đah lơgar Việt Nam mờ Cuba; kơ̆p kờñ bal mờ Đảng, Dà lơgar, Cíñ phủ mờ làng bol Cuba sền gàr, bơt bơtàu, ngui niam bơta gĭt gơ̆p lam lài geh uă rơnàng Kwang đơng lam bồ 2 lơgar tàm hơ̆ geh Tổng Ƀí thư ồng Nguyễn Phú Trọng lơh ngan bơt bơtàu.

Thủ tướng đơs sùm Cíñ phủ Việt Nam rơ̆p sùm ơm kềng gah bal, tam klăc bal mờ kờñ Cíñ phủ mờ làng bol Cuba, pơn jat tai sơlơ tơnguh tai mờ tam pà mờng chài lơh broă mờ lơh  broă bal tơl làm, geh cồng nha mờ Cuba, is ồn là tàm gah kă bro, lơh sa suơn sre, năng lượng lơh gơlik wơl mờ phan lơh sơnơm.