Thủ tướng đơs nền, Việt Nam sùm sền dờng màng bơtàu tơnguh bơta git gơp lơh broă bal kuơmàng mờ New Zealand. Tơngai tus, Thủ tướng sồr 2 gah jơh nùs lam lơh jat ngan ngồn ală jơnau ring bal kâp dờng mờ ală rơndap broă lơh, broă lơh bal, pơgồp bơnah ai bơta git gơp 2 lơgar brồ guh tus bơta pa; sơlơ tơnguh tai cribơyai mpồl kwang bàng kâp dờng mờ ală kâp, sơlơ tơnguh tai lơh broă bal lơh sa – kă bro – bơcri priă bal mờ ală bơta ƀuơn gam dờng ngan, mhar ai priă lơh geh bơh kă bro bơh 2 gah geh 3 tơmàn dolar Mỹ tàm 2 nam tus. Bàr gah ring bal pơn jat tai lơh broă bal jơh nùs mờ tàm dong kờl bal mờ gơp tàm ală cribơyai uă lơgar; ring bal pơgồp bal geh cồng nha tàm tŭ tơngai Việt Nam at gơnoar broă đơng lam pơgồp bal bơta git gơp đah ASEAN mờ New Zealand (7/2024 – 7/2027).

Cribơyai bè bơta tàm dà lềng đah mat tơngai lik, 2 gah ring bal tò dong gùng dà bơh ASEAN dê bè bơta tàm dà lềng đah mat tơngai lik, bơsong ală tam pìt tam phà mờ ală broă lơh ring lơngai jat adat boh lam dunia, tàm hơ̆ geh UNCLOS nam 1982, gàr niam lơngăp lơngai, ring lơngai, khat gơboh gùng dà lềng mờ gùng rơndeh par tàm dà lềng đah mat tơngai lik.