Tàm dơ̆ tìp mat, Thủ tướng ồng Phạm Minh Chính neh jơh nùs pơyua ală jơnau ưn ngài niam ngan rlau jơh tus Đảng, Dà lơgar mờ Làng bol lơgar Lào đơs bal kung bè tus ồng Tổng Ƀí thư, Củ tịc lơgar Lào mờ Pơ ùr đơs is bè ală nùs nhơm đềt mềr, bềng lìu nùs nhơm oh mi lời ai Đảng, Dà lơgar mờ Làng bol Việt Nam in tềng đap bơta sang rài bơh Tổng Ƀí thư ồng Nguyễn Phú Trọng dê; kuơmàng là Lào neh bơyai lơh Dà lơgar ies tơp ƀồc 2 ngai nàng kah kơlôi Tổng Ƀí thư ồng Nguyễn Phú Trọng, bơh hơ̆, ai tơnggŏ bơta git gơp kuơmàng, jơh nùs niam bơnĕ, geh dùl ờ geh bàr đah 2 lơgar. Thủ tướng Cíñ phủ đơs nền, tŭ gam kis Tổng Ƀí thư ồng Nguyễn Phú Trọng sùm sền gròi ngan tus broă sền gàr, ngai sơlơ lơh kơ̆ kơljap mờ bơtàu tơnguh bơta git gơp ờs mờng kuơmàng đah Việt Nam mờ Lào; ưn ngài Pơ ùr Tổng Ƀí thư, Củ tịc lơgar Lào neh geh sră pơyua ngoh rơngac ngan pơyua Pơ ùr Tổng Ƀí thư ồng Nguyễn Phú Trọng dê in.