Pơrjum tơrgùm cribơyai bè bơta lơh sa- mpồl bơtiàn nhai 02, 02 nhai bồ nam; 3 Broă lơh Jơnau kờñ Dà lơgar, ai priă bơcri Dà lơgar; ală broă tờm sồr lơh tàm nhai 03 mờ tàm tơngai tus. Thủ tướng sồr đơs bè lơh sa dờng, ală broă geh gơrềng roh giă priă, gơguh lơh sa, broă dờng ndai, ngan là gàr niam ală tàm pơn ring dờng; sền sơwì drà cau lơh broă tơnơ̆ tơngai sa tềp; broă gơrềng tus gàr niam rài kis mpồl bơtiàn, kơ̆ kơl jăp cíñ trị, rơndăp tăp sèng lơngăp lơngai mpồl bơtiàn, gơrềng tus tiah nhàr lơgar, bồt bơlào dà lềng, broă gơrềng tus rcang sơndră sa kuề, sa kuà, bơta ờ niam; broă lơh broă bơt bơtàu ală mpồl đảng, ală anih lơh broă gơnoar atbồ...

Thủ tướng đơs sùm, nhai 03 do, pal geh broă lơh tơrgùm nàng lơh mhar, pơgồp bơnah ai jơh qúy, nggùl nam 2024, jơh gùt nam 2024, lơh jat geh cồng nha kơnòl broă jơh nam 2024 mờ jơh bal tơngai lơh broă 5 nam, lơh geh cồng nha tềng đăp mat mờ jơh bal mờ tŭ tơngai jŏ jòng.