Đơs tàm dơ̆ pơrjum, Thủ tướng Cíñ phủ Phạm Minh Chính đơs sùm, drà cứng khoán Việt Nam là dùl bơta drà tàm kấp dờng, dùl bơnah kwơ màng bơh drà priă jền đơs is mờ rài lơh sa drà kă bro pơlam gùng dà xã hội củ nghĩa tàm lơgar he dê đơs bal, là dùl gah bơcri priă ngăc ngar, gơ kờñ ngan; gah hòi jà tơrgùm bal priă dimơ tơngai mờ jŏ tơngai kwơ màng ai mpồl lơh sa kă bro in; pơgồp bơnah kwơ màng sơlơ tơnguh rơndăp tăp sèng wơl rài lơh sa, lơh bal ngan ngồn mpồl lơh sa kă bro Dà lơgar dê; tam gơl pa broă lơh gơguh lơh sa, bơtàu tơnguh lơh sa- mpồl bơtiàn.

Bè kơnòl broă, gùng dà broă lơh tờm ngan tàm tơngai tus, Thủ tướng Cíñ phủ sồr Ƀộ Tài cíñ, Ủy ƀan Cứng khoán Dà lơgar pơgồp bal mờ Ngân hàng Dà lơgar, Ƀộ Kế hoạc mờ Đầu tư bal mờ ală ƀộ, ngàñ geh gơrềng tơrgùm bơt bơtàu mờ lam lơh tơn ală broă lơh lơh broă geh ngan bè lơh jat broă lơh kwơ màng bơtàu tơnguh drà cứng khoán tus nam 2030.