Đơs tàm dơ̆ lơh broă, Thủ tướng Phạm Minh Chính đơs loh, pơrjum nàng kờñ sền sơ wì broă lơh bơh Ủy ƀan mờ ală tập đoàn, tổng kông ty gơ wèt dê tàm nam 2023 mờ ală kơnòl broă, broă lơh lam lơh broă lơh sa, kă bro nam 2024 mờ sơlơ tơnguh tai bơcri priă bơtàu tơnguh lơh sa – mpồl bơtiàn. Thủ tướng đơs loh, kơnòl broă nam 2024 dờng rlau mờ nam 2023, pal lơh gơs niam rlau mờ nam 2023. Mờ bơta kơp kờñ tàm nam 2024, ală tập đoàn, tổng kông ty pal bơcri priă uă rlau tai, Thủ tướng sồr ală kwang bàng tơrgùm cribơyai, ai jơnau đơs, ngui uă ngan rlau jơh bồ tơngoh jak mpồl bal, git nền ală gùng dà ai tơlik lài, broă lơh, kơnòl broă tờm nam 2024 bơh Ủy ƀan mờ ală Tập đoàn, tổng kông ty dê tàm broă lam lơh jat broă rơndap lơh bơtàu tơnguh lơh sa- mpồl bơtiàn nam 2024, kuơmàng là kơnòl broă bơcri priă bơtàu tơnguh.