Tàm dơ̆ tìp mat, Thủ tướng Phạm Minh Chính đơs nền lơgar Việt Nam sùm sền dờng màng kơnòl broă, gơnoar broă bơh lơgar Đức dê tàm tiah do mờ tàm dunia. Nàng lơh pràn lơh broă bal đah 2 gah gam bơtàu tơnguh niam bơnĕ, 2 nă kwang đơng lam bồ ring bal sơlơ tơnguh tai tàm pơgơl mpồl kwang bàng ală kấp, ngan là kwang bàng kấp dờng; sùm pơgồp bal, dong kờl bal mờ gơ̆p tàm ală dơ̆ cribơyai uă lơgar; ring bal sơlơ tơnguh tai sồr mpồl lơh sa kă bro lơgar Đức bơcri priă tàm lơgar Việt Nam, ngan là tàm ală gah mờ lơgar Đức geh bơta ƀuơn, bơta pràn bè năng lượng, gùng rơndeh ồs, phan bơna gah lơh sơnơm, phan lơh sơnơm, phan bơna bơt bơtàu.

Bàr nă kwang đơng lam bồ ring bal lơh pràn lơh broă bal bơto bơtê, tơnguh mpồl lơh broă jak, tơnguh bơt bơtàu ală gùng dà broă lơh, tơngume lơh broă bal tàm gah bơto bơtê broă.