Jat hơ̆, nàng lơh gơtùi ală jơnau kờñ, broă geh jàu bơh broă rơndap lơh bơtàu tơnguh lơh sa – mpồl bơtiàn nam 2024 dê, mờ kung lơh bơta jê sồt gơs broă lơh tềng đap bơta sang rài bơh Tổng Ƀí thư ồng Nguyễn Phú Trọng dê, Thủ tướng Cíñ phủ sồr ală ƀộ trưởng, kwang atbồ ală anih lơh broă ndrờm mờ ƀộ, anih lơh broă gơ wèt Cíñ phủ, Củ tịc Anih duh broă làng bol ală càr, ƀòn dờng gơ wèt dà lơgar pơn jat tai tơrgùm tă bơsong di tŭ kal ke ai làng bol mờ mpồl lơh sa kă bro in: Ƀộ Priă jền lam lơh geh cồng nha ală broă dong kờl tơn jŏ tơngai tă dia, priă ngui ù, tơrmù dia gơguh tai, tơrmù priă tă lơh neh geh ai tơlik; mhar kơlôi sơnơng bơta gơ rềng, lơh sir, sồr Cíñ phủ geh jơnau lơh nền bè khà ai priă tă lài mờ tŭ lơh gơwèt mờ rơndeh oto lơh gơlik, crăp mòn tàm lơgar tàm nhai 7 nam 2024. Ală ƀộ, anih lơh broă, càr, ƀòn dờng pơlam lơh jat, sền ai priă bơcri dà lơgar là dùl kơnòl cíñ trị tờm; lơh jat broă rơndap lơh, jơnau kờñ ai priă bơcri mùl màl tơl rơndap broă lơh nàng tơrgùm sồr lơh jơh nùs rlau tai tàm broă lam lơh ală broă lơh jơnau kờñ dà lơgar.