Tàm dơ̆ tìp mat cribơyai broă, Thủ tướng Cíñ phủ kung nting bơr gờm chờ cồng nha bơh dơ̆ tĕ khà Hội đồng xã, sơnah ƀòn khoă 5 bơh lơgar Campuchia dê tàm nhai 6 pa do; pin dờn hơ̆ là bơnàng jă kuơmàng nàng Campuchia lơh geh cồng nha tàm dơ̆ tĕ khà Quôk hội nam 2023 mờ pơn jat tai lơh geh ală cồng nha dờng màng rlau tai tàm broă lơh bơt bơtàu dà lơgar Campuchia ring lơngai, lơngap lơngai is, làng bol lơh tờm, pas sơm.

Thủ tướng sồr ngui niam gơnoar broă bơh anih crơng gơs adat boh lam 2 lơgar dê tàm broă sơlơ tơnguh git gơp đah 2 lơgar

Thủ tướng Phạm Minh Chính mờ Củ tịc Thượng viện Campuchia ring bal pơn jat tai pơgồp bal lam lơh jat geh cồng nha ală jơnau ring bal mờ kơrnuat lơh broă bal gam geh tŭ do bè sền gàr dà lơgar, sền gàr lơngăp lơngai jat bơnàng jă ală cồng nha dờng màng mờ kuơmàng neh lơh geh; pơn jat tai lơh ngan sơlơ tơnguh broă bơsong mờr 16% ờ hềt lơh gơs broă wah nhàr, tồt jrong nhàr dà lơgar gam wơl nàng kờñ bơt bơtàu gùng nhàr dà lơgar ring lơngai, lơh bơyô, lơh broă bal mờ bơtàu tơnguh jŏ jòng đah 2 lơgar.