VOV4.K’ho- Drim ngai 29/05, broă geh kơ̆p gơn ngan rlau jơh tàm nam bơh cau lơh broă sa Việt Nam dê ngan ngồn geh bơyai lơh bơh bơta đơng lam bơh Thủ tướng Cíñ phủ ồng Phạm Minh Chính.

Thủ tướng Cíñ phủ tơm bơh bơr mờ cau lơh broă sa Việt Nam

Pơrjum Thủ tướng Cíñ phủ tơm bơh bơr mờ cau lơh broă sa Việt Nam mờ tơngume “Dong kờl cau lơh broă sa, bơtàu tơnguh wơl, bơtàu tơnguh lơh sa suơn sre, ƀòn lơgar kơ̆ kơl jap”, bơh Mpồl cau lơh broă sa dà lơgar Việt Nam, pơgồp bal mờ Tỉñ ủy, Ủy ƀan Ñân zân càr Sơn La dê bơyal lơh. Đơs pơn dŭt pơrjum, Thủ tướng ồng Phạm Minh Chính đơs sùm ală broă, tơngume cribơyai, cribơyai tàm Pơrjum tơm bơh bơr pơgồp bơnah bơtơl jat tàm bơta geh ngan nàng bơt bơtàu broă lơh jŏ jòng bơtàu tơnguh lơh sa suơn sre, ƀòn lơgar kơ̆ kơljap, tơnguh uă rài kis cau lơh broă sa dê. Bè ală kơnòl broă, gùng dà broă lơh ngan ngồn, Thủ tướng đơs loh 9 broă, tàm hơ̆ đơs ngan là: pal mblàng yal niam mờ lam lơh jat geh cồng nha ală Nghị quyết bơh Đảng dê; tơnguh uă gơnoar broă, bơngă pin dờn, bơta pràn jak lơh tờm bơh cau lơh sa suơn sre dê, ngan là bồ tơngoh jak jat gùng dà “ bồ tơngoh jak cau lơh sa suơn sre” nàng gĭt ngui kông nghệ tàm broă lơh sa kă bro mờ gơtùi lơh pas bơh lơh sa suơn sre.

Cau mblàng K’Hạnh