VOV4.K’ho- Mho ngai 05/09, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính neh wă ồng Bill Winters, Kwang atbồ dờng gùt plai ù Ngân hàng Standard Chartered, lơgar Anh gam còp mờ lơh broă tàm Việt Nam.

Thủ tướng Phạm Minh Chính wă ồng Bill Winters, Kwang atbồ đơng pơlam Ngân hàng Standard Chartered (Rùp: TTXVN)

Thủ tướng Cíñ phủ ồng Phạm Minh Chính đơs, tàm tơngai bơta tàm dunia gơlik geh kal ke, lơh sa- mpồl bơtiàn Việt Nam tơngai pa do kung gam lơh geh ală cồng nha niam ngan. Thủ tướng tơngŏ bơta sền dờng màng, jờng rơ uă ală mpồl lơh sa kă bro, cau bơcri priă lơgar ndai, tàm hơ̆ geh Ngân hàng Standard Chartered, neh lòt bal, dơng kờl Việt Nam tàm broă lơh rcang sơndră kòp mờ sơlơ bơtàu tơnguh wơl, bơtàu tơnguh lơh sa- mpồl bơtiàn. Thủ tướng đơs, lài ngan bơh Việt Nam dê bè gơ hòi gơ jà ală priă jền tơlir mờ ală bơta pràn nàng kờñ ngui jơh ală bơta gơn kơnờm sơlơ gơguh lơh sa kơ̆ kơljap, ngan là gơguh lơh sa tơlir, tam gơl sồ, tam gơl năng lượng jat gùng dà kơ̆ kơl jap mờ sơlơ tơnguh lơh broă bal mờ ală lơgar lơh broă bal bơtàu tơnguh, ală mpồl lơh sa kă bro priă jền dunia dê mờ ală tập đoàn priă jền gùt plai ù, tàm hơ̆ geh Ngân hàng Standard Chartered.

Cau mblàng K’Hạnh