VOV4.K’ho- Mho ngai 21/3, Thủ tướng Cíñ phủ ồng Phạm Minh Chính neh wă mò Manuela V.Ferro, Phó Củ tịc Ngân hàng dunia (WB) drơng broă tiah đah mat tơngai lik câu Á mờ Thái Bình Dương. Thủ tướng đơs nền Cíñ phủ Việt Nam sùm sền WB là bơyô niam, mpồl lơh broă bal bơtàu tơnguh kuơmàng.

Việt Nam geh pơn jat tai tàm lùp mờ WB mờ mpồl 6 Ngân hàng Bơtàu tơnguh nàng cribơyai ală broă lơh ngan ngồn kờñ pơn jat tai lơh sir thể cế, mhar tă bơsong ală kòl yan, lơh niam ală sră nggal đah ală gah nàng lam lơh ală rơndap broă gàr niam cồng nha, tơngai lam lơh. Thủ tướng đơs niam mờ sồr WB pơn jat tai sền gròi, dong kờl, lơh broă bal geh cồng nha mờ Việt Nam bè priă bơcri, kông nghệ, thể cế, cau lơh broă, đơng pơlam tàm broă sơndră mờ tam gơl trồ tiah, lơh jat ală jơnau hơ pơrgon tàm pơrjum COP26 jat broă tus bal gùt làng bol, gùt plai ù, gàr bơta ring bal mờ ală lơgar gam bơtàu tơnguh.

Cau mblàng K’Duẩn