Tơnơ̆ mờ tŭ iăt ală jơnau đơs, jơnau đơs pơn dŭt pơrjum, Thủ tướngồng Phạm Minh Chính dờp mờ jờng rơ broă lơh ngan bơh tiah do dê mờ đơs niam broă pơgồp bal bơh tiah do dê tàm broă lơh sa mpồl bơtiàn gùt lơgar. Mờ Thủ tướng kung ai tơngŏ loh làng ală broă lơh ngan ờ pràn, kal ke, bơta lòng tàm hơ̆ đơs nền, lơh sa mpồl bơtiàn bơtàu tơnguh ờ hềt di pal mờ bơta geh, bơta pràn, gơnoar broă kwơ màng bơh Tiah do dê; ală càr, ƀòn dờng tàm tiah do bơtàu tơnguh ờ ndrờm bal, gơrềng uă ngan tàm priă mờ lơh broă. Thủ tướng sồr, lơh jăt rơndăp ù tiah mờ bơtàu tơnguh lơh sa mpồl bơtiàn tiah ring dà dờng Hồng pal geh broă pơgồp bal, lơh pràn, tơrgùm bal, tơl ală bơta kơl jăp, ờs mờng.