VOV4.K’ho- Tàm tơngume lòt còp ngan ngồn lơgar he, drim ngai 30/09 tàm Hà Nội, Thủ tướng lơgar Cuba ồng Manuel Marrero Cruz  mờ Phó Thủ tướng Cíñ phủ ồng Lê Minh Khái neh tus bal mờ đơng lam bal dơ̆ cribơyai hòi jà lơh sa kă bro Việt Nam mờ Cuba. Tàm dơ̆ cribơyai, Thủ tướng lơgar Cuba ồng Manuel Marrero Cruz đơs sùm, Cuba gam tàm tơngai tam gơl pràn ngan nàng wèt tus rài lơh sa bơtàu tơnguh wơl mờ bơtàu tơnguh, jat tàm bơnàng jă bơta gĭt gơ̆p lơh bơyô bal ờs mờng niam bơnĕ đah 2 lơgar dê, Cíñ phủ Cuba geh lời ai lài uă ngan rlau jơh, lơh geh tơl ală bơta ƀuơn ngan rlau nàng mpồl lơh sa kă bro Việt Nam dê geh mat uă rlau tai tàm lơgar Cuba.

Thủ tướng Cuba mờ Phó Thủ tướng Cíñ phủ ồng Lê Minh Khái tus bal dơ̆ cribơyai hòi jà lơh sa kă bro Việt Nam mờ Cuba

Tàm dơ̆ cribơyai, uă ngan mpồl lơh sa kă bro 2 lơgar neh iăt kơno Ƀộ trưởng Ƀộ Ngoại thương mờ Đầu tư lơgar ndai lơgar Cuba ồng Rodrigo Malmierca Dias yal bè gùng dà broă lơh gah broă lơh lài gơ hòi gơ jà bơcri priă bơh lơgar ndai tàm lơgar Cuba dê mờ Kwang atbồ dờng Cơl dŭ lơh broă Tiah Kwơ màng bơtàu tơnguh Mariel mò AnaTeresa Igarza Martinez yal bè broă lơh gah broă lơh lài gơ hòi gơ jà bơcri priă bơh lơgar ndai tàm tiah Tiah kwơ màng Mariel mờ tŭ niam lơh broă bal lơh sa kă bro đah 2 lơgar dê.

VOV Tây Nguyên- Cau mblàng K’Hạnh