VOV4.K’ho- Mho ngai 30/09, tàm Hà Nội, Thủ tướng lơgar Cuba ồng Manuel Marrero Cruz wă đềt mềl Mpồl gĭt gơ̆p lơh bơyô Việt Nam mờ Cuba mờ Mpồl ală mpồl gĭt gơ̆p lơh bơyô Việt Nam di dơ̆ lòt còp gĭt gơ̆p lơh bơyô ngan ngồn Việt Nam. Jat hơ̆, tàm jơh ală dơ̆ tìp mat, kwang đơng lam bồ 2 lơgar, mờ nùs nhơm jơh nùs, pin dờn, sùm tơnguh uă nùs nhơm geh kơnòl gơwèt mờ bơta tam klăc bal đah 2 jơi bơtiàn dê, hơ pơn jat tai sơlơ tơnguh pràn kơl dang rlau tai bơta gĭt gĭt gơ̆p lơh broă bal. Thủ tướng ồng Manuel Marrero Cruz pà gĭt, bulah gam pal kong mờ uă bơta lòng bè wàng se kơryan ờ ai kơn jơ̆ ngan, tung lơtang bơh kòp dờng Kovid-19, mơya Cuba kung gam pơnđơl pràn lơh ngan bơtàu tơnguh wơl mờ bơtàu tơnguh lơh sa.

Củ tịc Mpồl gĭt gơ̆p lơh bơyô Việt nam mờ Cuba ồng Vũ Hải Hà pà phan

Đơs tàm dơ̆ tìp mat, Củ ñiệm Ủy ƀan Đối ngoại  Quôk hội, Củ tịc Mpồl gĭt gơ̆p lơh bơyô Việt Nam mờ Cuba, Củ tịc Mpồl Nghị sỹ gĭt gơ̆p lơh bơyô Việt Nam mờ Cuba ồng Vũ Hải Hà pin dờn, bơh bơta đơng lam bơh Đảng Kộng sản Cuba dờng màng, làng bol Cuba oh mi geh lơh jat geh cồng broă lơh lơh jat ngan ngồn broă lơh lơh sa- mpồl bơtiàn xã hội củ nghĩa mờ jơnau kờñ bơt bơtàu dà lơgar gơnoar tờm, lơngap lơngai is, xã hội củ nghĩa, làng bol lơh tờm, pas gơs mờ kơ̆ kơljap.

VOV Tây Nguyên- Cau mblàng K’Hạnh