VOV4.K’ho - Tềng đăp mờ bơta kòp gơtờp gơtìp kal ke ngan, ờ git lài, kal ke kờñ yal lài; nàng gàr niam, tơnguh mờ lơh geh cồng nha broă rơcang sơndră mờ kòp neh geh lơh, pơn jăt tai pờ mpồng, chồl pràn broă brồ guh mờ tơnguh bơtàu lơh sa mpồl bơtiàn.

Thủ tướng Cíñ phủ ồng Phạm Minh Chính tơlik jơnau sồr: Ală anih lơh broă tàm mpồl lơh broă cíñ trị, ală ƀộ, gah lơh broă, ală kấp, làng bol bal mờ mpồl lơh sa kă bro gàr niam nùs nhơm, lơh sùm, lơh di pal, bañ sền ờ sơ̆p, ờ sền gròi, lơh gơtìp ờ thàn mờ ờ ngòt, bañ nrơ̆t dơl tàm broă rơcang sơndră mờ kòp kovid-19; pơn jăt tai chồl pràn broă lơh jăt ală jơnau kờñ, broă lơh neh geh Đảng, Dà lơgar geh ai; bơyai lơh jăt nền nòn, pràn kơl dang, geh cồng nha broă cit sơnơm vaccine, tìp mhar mờ ală broă sơm kòp, sơnơm sơm kòp, mờ tơnguh uă nùs nhơm lơh jăt nền nòn, lơh geh cồng nha ală kơrnoăt rơcang sơndră mờ kòp bơh làng bol dê... Jăt mờ hơ̆, ală tiah pal chồl pràn mờ pràn rơlao tai broă bơyai cit sơnơm vaccin ding dơ̆ 3 ai cau bơh 18 rơlao hờ đang in, lơh gơs tàm qúy 1 nam 2022, cit ding dơ̆ 2 ai kơnòm dềt bơh 12 tus hờ đơm 18 sơnam in, lơh gơs tàm nhai 2 nam 2022; rơcang tơl ală bơta bè phan bơna, phan lơh broă, phan prăp gàr, anih lơh broă, cau lơh broă nàng cit sơnơm ai kơnòm dềt bơh 5 tus hờ đơm 12 sơnam in tơnơ̆ mờ tŭ geh ai tơl sơnơm vaccine.

Cau mblàng Ndong Brawl