Dơ̆ pơrjum geh lơh jat broă lơh pơrjum tơn pơgồp bal mờ pờ tơlik tơn tàm internet đah anih pờ tơlik tơn bơh Hìu lơh broă Cíñ phủ mờ 33 càr, ƀòn dờng gơ wèt dà lơgar gam geh ală broă lơh, rơndap broă kuơmàng dà lơgar, broă lơh tờm gah gùng lòt pơndiang phan.

Đơs tàm pơrjum, Thủ tướng Phạm Minh Chính pà git, priă bơcri ai gah gùng lòt pơndiang phan in geh khà uă ngan tàm priă bơcri dà lơgar, den tàng, broă bơyai lơh ai priă bơcri di, tơnguh bơta niam ai priă bơcri, pơgồp bơnah gơguh lơh sa là kuơmàng ngan. Thủ tướng sồr mờ nùs nhơm geh kơnòl uă, ală kwang geh jơng tàm Mpồl đơng lam ală kâp, ală Mpồl atbồ rơndap broă, cau tờm bơcri priă lơh bal jơh nùs tài bơta kuơ dà lơgar, jơi bơtiàn, lơh broă jơh nùs, “ờ gŏ di đơs ờ, ờ gŏ di đơs kal ke, ờ gŏ di đơs geh mờ ờ lơh”.