Jat Ƀộ Cribơyai broă mờ lơgar ndai, 6 nhai bồ nam 2024, broă lơh cribơyai broă mờ lơgar ndai lơh sa neh geh lam lơh dồ bă niam ngan mờ geh cồng nha, tă pơgồp ngan ngồn tàm bơtàu tơnguh lơh sa- mpồl bơtiàn. Tàm 36 broă lơh cribơyai broă mờ lơgar ndai kấp dờng bơh bồ nam tus tŭ do, tơngume lơh sa pơn jat tai gơ gơs bơta tờm, cèng wơl ală cồng nha geh ngan, mut lơh ngan ngồn, kĭ hơ geh uă jơnau hơ pơrgon, jơnau ring bal lơh broă bal mờ ală lơgar lơh broă bal.

Thủ tướng pà gĭt, tŭ do Việt Nam gĭt nền lài ngan ai gơguh lơh sa, den tàng pal tơrgùm lơh pa ală bơta gơn kơnờm gơguh lơh sa ờs mờng, geh: ngui sa, bơcri priă mờ tăc phan mờ lơgar ndai; sồr ală anih lơh broă ala mat lơgar Việt Nam tàm lơgar ndai pal tơrgùm tàm bơta gơn kơnờm tăc phan mờ lơgar ndai. Kờñ bè hơ̆, pal sơlơ tơnguh tai drà kă bro tăc phan mờ lơgar ndai, tam gơl tiah lơh broă bal, sơlơ tơnguh tai lơh broă bal lơh sa, kă bro, bơcri priă, tìp mat lơh kwèng làng bol, lơh pràn lòt nhơl; tơrgùm hòi jà bơcri priă, rề ơnàng gơguh lơh sa ai ală bơta gơn kơnờm gơguh lơh sa pa.