Đơs pơndŭt pơrjum, Thủ tướng Cíñ phủ ồng Phạm Minh Chính đơs wih đơs wơl, tam gơl sồ neh gơ gơs srơh, broă sồr lơh, là jơnau kờñ di pal ngan mờ rơwah broă lơh kwơ màng.

Sơñio loh bàr pe jơnau bơsram mờng chài lơh broă tàm broă lơh tam gơl sồ, Thủ tướng Cíñ phủ sồr tàm tơngai tus, ală ƀộ, ală gah broă, ală tiah lơh lài rcang priă jền, lam lơh dồ ròt bal ală kơnòl broă, broă lơh bè tam gơl sồ neh geh ai, pơnđơl pràn lơh ngan lơh sir mờ sơr lèt gan ală jơnau kờñ, kơnòl broă tàm broă lơh tam gơl sồ Dà lơgar dê mờ Broă rơndăp lơh lơh broă bơh Anih duh broă Dà lơgar mờ ală broă lơh kwơ màng bè bơtàu tơnguh Cíñ phủ sồ, lơh sa sồ, mpồl bơtiàn sồ, ală jơnau sồ, jat tàm nùs nhơm ai làng bol, mpồl lơh sa kă bro là tờm ngan, là cau tờm mờ là jơnau kờñ tàm tam gơl sồ mờ pal đơs ngan, lơh ngan, nàng làng bol, mpồl lơh sa kă bro in geh dờp geh ngan ngồn ală cồng nha bơh tam gơl sồ dê cèng wơl, “ờ geh cau lơi gơtìp lời wơl bơh ngkời”.