VOV4.K’ho- Drim ngai 22/09, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính đơng lam pơrjum Cíñ phủ jat tơngume bè lơh adat boh lam nhai 9 nam 2022.

Thủ tướng đơng lam pơrjum Cíñ phủ jat tơngume lơh adat boh lam nhai 9

Đơs tàm dơ̆ pơrjum, Thủ tướng Cíñ phủ ồng Phạm Minh Chính đơs sùm, ală bơta lơh sa tàm dunia đơs bal gam gơtìp uă ngan kal ke, gơguh lơh sa geh gùng dà gơ mù, roh bơngă khà priă geh gùng dà gơguh uă. Pa do, ală Ngân hàng dà lơgar bơh ală lơgar: Mỹ, EU, Anh, Nhờk geh gùng dà tơnguh priă cồng, tơnguh bơta kwơ priă jền  den bơta gơ rềng lơh gơmù bơta kwơ priă jền ală lơgar, gơrềng dờng ngan tus ală lơgar, tàm hơ̆ geh Việt Nam. Cíñ phủ pal ai tơlik bàr pe kơnòl broă bơsong nàng bơsong ală bơta tŭ kal ke bè do. Tàm dơ̆ pơrjum, Thủ tướng sồr ală kwang bàng Cíñ phủ ai jơnau đơs tă pơgồp bè ală rơndap broă lơh adat, ngan là broă rơndap ù tiah, do là broă dờng mờ kal ke, den tàng Thủ tướng sồr lời tŭ jiơ, bơta pràn, bồ tơngoh nàng tă pơgồp jơnau đơs tàm ală tơngume tờm bơh ală rndap broă lơh adat dê.

Cau mblàng K’Hạnh