VOV4.K’ho- Drim ngai 03/8, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính đơng lam pơrjum Cíñ phủ ờs mờng bè broă lơh sa mpồl bơtiàn nhai 7 mờ 7 nhai nam 2022; broă lam lơh jat Nghị quyết sồ 01 bơh Cíñ phủ dê; broă lam lơh Broă lơh bơtàu tơnguh wơl mờ bơtàu tơnguh lơh sa- mpồl bơtiàn mờ broă lơh rơcang sơndră kòp Kovid-19.

Đơs tàm pơrjum, Thủ tướng Phạm Minh Chính đơs nền, nhai 7 mờ 7 nhai do, broă lơh sa dờng geh gàr kơ̆, gròi sền bơta roh bơngă khà priă, gàr niam gơguh lơh sa, gàr niam ală jơnau tàm pơnring dờng, ròt ală mpồl ai cau lơh broă gơguh wơl mhar ngan; kơ̆ kơljap cíñ trị, ờdo ờdă mpồl bơtiàn, lơngăp lơngai is, gơnoar tờm, tơl làm ù tiah geh gàr kơ̆; broă lơh broă mờ lơgar ndai geh tơnguh pràn. Bè kơnòl broă nhai 8 mờ ală nhai pơn jat tai, Thủ tướng đơs sùm, broă gơlik geh kung gam kal ke ngan, ờ gơtùi git lài; git nền là kal ke, bơta lòng uă rlau mờ tŭ niam, bơta ƀuơn; ờ gŏ di sền ờ sơp, hừh nùs, git nền kơnòl broă tàm tơngai tus kơn jơ̆ kơn jut ngan, den tàng pal tơrgùm mblàng lơh loh, sền sơ wì broă tàm lơgar mờ lơgar ndai dipal nàng ai tơlik ală broă lơh dipal.

Cau mblàng K’Duẩn