Dơ̆ pơrjum neh cribơyai, tă pơgồp jơnau đơs bè 3 rơndăp broă lơh Adat, geh: Adat atbồ mờ bơcri priă dà lơgar tàm mpồl lơh sa kă bro; Adat Dia priă lơh geh mpồl lơh sa kă bro  dê (tam gơl); Adat Dia tăc blơi is ồn (tam gơl).

Bal mờ tă pơgồp jơnau đơs bè tơl rơndăp broă lơh adat geh ngan, Thủ tướng ồng Phạm Minh Chính đơs sùm, bàr pe jơnau sồr tŭ lơh, tam gơl ală rơndăp broă lơh Adat. Hơ̆ là pal sền gròi tam pà kấp, tàm pà gơnoar ngan ngồn, lòt bal mờ tàm pà priă jền, tơnguh uă bơta pràn jak lơh jat, jàu loh làng kơnòl broă bơh tơl nă cau geh tàm pà kấp, tàm pà gơnoar, mòn lơh phan ngui nàng jat sền, lòt sền, sơlơ tơnguh gròi sền gơnoar pràn.