Tàm pơrjum, Duh broă sùm Cíñ phủ mờ kwang đơng lam bồ ală ƀộ, gah broă lơh neh iat mờ cribơyai bè broă kơlôi sơnơng, lơh Jơnau neh lơh nền, jơnau yal bal bè rơndap broă lơh, kung bè geh jơnau sồr bè tŭ tơngai, broă lam lơh, măi mok, priă jền mờ ală broă gơ rềng tus lơh gùng rơndeh ồs ntoat mhar tiah đah tô – tiah đah jum dà lơgar.

Đơs pơn dut pơrjum, Thủ tướng Cíñ phủ ồng Phạm Minh Chính sồr bal mờ lơh Jơnau neh lơh nền, pal lam lơh tàm jàu măi mok, atbồ ngac ngar, tam gơl pa jơh bal tàm broă atbồ, lam lơh pơndiang cau, pơndiang nac mờ phan bơna; lam lơh bơto bơtê cau lơh broă, gơ jat bal mờ bơtàu tơnguh lơh mờ măi mok gùng rơndeh ồs mờ ală gơl gùng rơndeh ồs mờ broă rơndap lơh dipal. Bal mờ lơh Jơnau neh lơh nền gùng dà bơcri priă lơh gùng rơndeh ntoat mhar tàm gơl gùng tiah đah tô – tiah đah jum dà lơgar yal ală kâp geh gơnoar in tàm nam 2024, lơh ală Jơnau neh lơh nền lơh niam ală gùng rơndeh ồs tŭ do, tềng đap mat ai lài bơcri priă lơh gùng rơndeh ồs Lào Cai – Hà Nội – Hải Phòng.