Thủ tướng đơs loh, bơh 8 dơ̆ bơyai lơh, khà jờng Mut mơ̆ rơmit neh ai gŏ bơngă pin dờn, bơta kuơ tàm ală khà jờng sră ƀău dà lơgar, dờp geh bơta sền gròi uă ngan, bơta đơng lam bồ bơh ală kâp ủy Đảng dê, gơ hòi gơ jà bơta tus bal gal ngan bơh ală rơnàng làng bol dê, ngan ngồn gơ gơs là broă geh kơp gơn lài mờ dơ̆ tơngkah kir sơnrai ngai crơng gơs Đảng pah nam mờ do là bơta đơs nền mat sơnđan, bơngă pin dờn, bơta gơ rề bơh khà jờng dê.

Nàng lơh jat niam rlau kơnòl broă tàm tơngai tus, Thủ tướng kơp kờñ mờ pin dờn Khà jờng Mut mơ̆ rơmit sơlơ tơnguh rlau tai ală cồng nha neh lơh geh, pơn jat tai jòi git tam gơl pa, bơceh lơh nàng ngai sơlơ lơh gơ rề bơta kis pràn kơldang mờ bơta gơ rềng niam ngan bơh khà jờng dê, pơgồp bơnah bơt bơtàu, lơh niam wơl Đảng, bơt bơtàu ală anih lơh broă cíñ trị mờ bơt bơtàu mpồl kwang bàng sàng goh, pràn kơldang, kơ̆ kơljap; tă pơgồp jơh nùs, geh cồng nha tàm broă lơh bơt bơtàu mờ sền gàr dà lơgar Việt Nam xã hội củ nghĩa; tài jơnau kờñ làng bol pas sơm, dà lơgar pràn kơldang, làng bol lơh tờm, ring bal, gơguh jak.