VOV4.K’ho- Drim ngai 20/10, tơnơ̆ tŭ Củ tịc Quôk hội ồng Vương Đình Huệ yal bơr sơnđờm mŭt pơrjum dơ̆ 4, Quôk hội khoá 15, Thủ tướng Cíñ phủ ồng Phạm Minh Chính neh yal jơnau yal cồng nha lơh rơndap broă lơh bơtàu tơnguh lơh sa- mpồl bơtiàn nam 2022; kờp dŭ broă rơndap lơh bơtàu tơnguh lơh sa- mpồl bơtiàn nam 2023.

Thủ tướng Cíñ phủ ồng Phạm Minh Chính yal tềng đap Quôk hội tàm pơrjum dơ̆ 4

Bè kơnòl broă, gùng dà broă lơh tờm tàm ală nhai lồi nam 2022, Thủ tướng sồr ală kấp, ngàñ, ală tiah pơn jat tai lơh dùl ròt bal, geh cồng nha ală kơnòl broă, gùng dà broă lơh ai tơlik tàm ală gah broă. Sền gròi rcang sơndră kòp Kovid-19, bañ lời kòp tàm rơndăp rơndồl; mhar bơsong ală bơta ờ tơl sơnơm, phan bơna, măy mok gah lơh sơnơm. Bè broă rơndap lơh bơtàu tơnguh lơh sa- mpồl bơtiàn nam 2023, Thủ tướng đơs sùm pơn jat tai lơh lài broă lơh gàr kơ̆ kơljap lơh sa dờng, gròi sền roh giă priă, sơlơ gơguh lơh sa, gàr niam ală bơta ndrờm bal dờng bơh rài lơh sa dê. Gròi sền geh cồng nha ală bơta kòp. Lơh pràn rơndap tap sèng wơl, tơnguh uă bơta pràn jak tàm lơgar gam geh tŭ do, bơta pơnđơl pràn lơh is, lơh tờm is, bơta tơl pràn jai kong mờ gơ dờp bơh rài lơh sa dê; lơh pràn kơldang, bơtàu tơnguh ală bơta gơn kơnờm gơguh lơh sa pa.

VOV/Cau mblàng K’Hạnh