Jăt Thủ tướng đơs, tŭ do, jơh gùt lơgar geh 34 rơndăp broă lơh dờng, 86 rơndăp broă lơh bơnah kwơmàng dà lơgar, broă lơh tờm gah Gùng lòt pơndiang phan tàm 46 càr, ƀòn dờng tàm gùt lơgar. Tàm hơ̆ geh 5 rơndăp broă lơh gùng rơndeh ồs, 2 rơndăp broă lơh ƀlàng rơndeh par, gam wơl là ală rơndăp broă lơh gùng ù gờl, mìng là gùng ù gờl rơndeh lòt mhar mờ ală gùng ơm gah kềng tiah Càr lơgar Hà Nội, gùng ơm gah kềng ƀòn dờng Hồ Chí Minh.

Tơnơ̆ 9 dơ̆ pơrjum, Mpồl đơng lam geh tai uă mờng chài, ală broă lơh bơ̆t bơtàu, rơndăp broă lơh geh lam lơh niam ngan, Thủ tướng neh sơnđio loh 6 broă kờñ rlau nàng lơh tàm tơngai tus, hơ̆ là: nùs nhơm kơnòl bơh ală ƀộ, ală gah broă lơh, ală tiah dê là pal jơnhoa rlau, geh cồng nha rlau; tŭ tơngai lơh di tŭ rlau; bơta niam ală rơndăp broă lơh broă lơh bơ̆t bơtàu pal niam rlau tai; bơta chài bơta niam măy mok uă rlau dipal rlau mờ bơta geh ngan. Dơ̆ pram là ală tiah pal bơsong broă gơrềng tus ai ù lơh gùng; bơsong tiah ơm kis, kơ̆ kơl jăp ai làng bol in.