VOV4.K’ho- Thủ tướng Cíñ phủ ồng Phạm Minh Chính pa geh sră nggal bè broă bơt bơtàu broă rơndap lơh tŭ tơngai pờ mpồng ờdo ờdă, jak chài, geh cồng nha wă nac nhơl chờ dunia.

Jat hơ̆, Thủ tướng sồr Ƀộ Văn hóa, Thể thao mờ Zu lịc đơng lam pơgồp bal mờ ală Ƀộ: Y tế, Quôk phòng, Kwang àng, Ngoại giao, Giao thông Vận tải, Thông tin mờ Truyền thông, ală ƀộ, gah broă lơh geh gơ rềng mờ ală tiah jal mhar bơt bơtàu mờ lam lơh broă rơndap lơh, tŭ tơngai ai tơlik, broă lơh pờ mpồng broă lơh nhơl chờ dunia ờdo ờdă, jak chài, geh cồng nha. Ủy ƀân Ñân zân ală càr, ƀòn dờng gơ wèt dà lơgar rơcang lài pơgồp bal mờ Ƀộ Văn hóa, Thể thao mờ Zu lịc, Ƀộ Y tế mờ ală anih lơh broă geh gơ rềng bơt bơtàu, ai tơlik broă rơndap lơh ngan ngồn nàng lam lơh jat; rơcang lài pràn jak bè lơh sơnơm, rơcang lài cau lơh broă, phan bơna, rơcang lài ală broă rơndap lơh, broă lơh gàr niam ờdo ờdă rơcang sơndră kòp mờ bơsong broă ờ niam gơlik geh bè gah lơh sơnơm.

Cau mblàng K’Duẩn