VOV4.K’ho - Ngai òr (15/07), Thủ tướng ồng Phạm Minh Chính neh jào kơrnoăt Ƀí thư Mpồl đơng lam Đảng Ƀộ Y tế mờ jào gơnoar Ƀộ trưởng Ƀộ Y tế ai mò Đào Hồng Lan, Kwang geh jơng tàm Đảng dà lơgar, Kwang atbồ Mpồl kwang bàng Quốk hội càr Bắc Ninh.

     Thủ tướng ồng Phạm Minh Chính jào kơrnoăt jào gơnoar lơh Ƀộ trưởng Ƀộ Y tế ai mò Đào Hồng Lan in

Ala măt kwang đơng lam Đảng, Dà lơgar, Thủ tướng chờ gờm mò Đào Hồng Lan neh geh Ƀộ Cíñ trị, Ƀan Ƀí thư Đảng dà lơgar, Cíñ phủ pin dờn jào kơnòl kwơ màng do. Tàm gơnoar broă pa mờ uă bơta tơlòng do, Thủ tướng pin dờn là, mò Đào Hồng Lan geh pơn jăt tai tơnguh bơta pràn, broă jăk chài bơh să tờm, bal mờ mpồl đơng lam đảng, kwang đơng lam Ƀộ, mpồl kwang bàng, kông cứk, viên cứk, cau lơh broă gùt gah do dê, pơn jăt tai bơhiàn ờs mờng niam bơnĕ bơh gah lơh sơnơm dê, geh lơh ngan tơmù kal ke, sơrlèt mờ bơta tơlòng, lơh gơs jăk chài kơnòl Đảng, Dà lơgar bal mờ Làng bol jào.

Cau mblàng Ndong Brawl